Македонија во група со европскиот првак

Македонската одбојкарска репрезентација ги доби противниците на првиот настап на Европското првенство.

Нашиот национален тим ќе игра во Групата Ц во која покрај еден од домаќините на турнирот Словенија се најде и европскиот првак Русија, потоа Финска, Турција и Белорусија. Можеби од вториот и од третиот „шешир“ ги избегнавме поопасните опции, но затоа од најслабиот го добивме најнезгодниот противник – Белорусија.

Европското првенство ќе се одржи од 13 до 29 септември оваа година. За прв пат во историјата ќе се игра со 24 тимови, бидејќи минатите години настапуваа само 16 репрезентации.

ГРУПА А
Франција, Италија, Бугарија, Португалија, Грција, Романија

ГРУПА Б
Белгија, Србија, Германија, Словачка, Шпанија, Австрија.

ГРУПА Ц
Словенија, Русија, Финска, Турција, Македонија, Белорусија

ГРУПА Д
Холандија, Полска, Чешка, Естонија, Украина, Црна Гора