Ракомет
Македонска репрезентативка во идеалниот тим од квалификациите за ЕП
Македонската ракометна репрезентативка Андреа Седлоска се најде во идеалниот тим во изборот на ЕХФ за првите две кола од квалификациите за Европското првенство 2024.
Левиот бек на „црвено-жолтите“ во неделата постигна осум гола во победата над Литванија на гостински терен без ниту едно промашување, а во првото коло беше реализатор на седум гола во победата над Азербејџан.
Покрај Седлоска во тимот на Европската ракометна федерација се најдоа уште и: Ана Кристенсен (Данска) голманка, Клое Валентини (Франција) левото крило, Кристина Ласло (Романија) средниот бек, Теа Стурлудотир (Исланд) десниот бек, Алисија Тублон (Франција) десното крило и Вилде Ингштад (Норвешка) пивот