Манчестер Сити без проблеми победи против Саутемптон

Манчестер Сити вечерва на домашен терен го совлада Саутемптон со 5-2 на мечот од 33. коло во Премиер лигата.

Граѓаните фуриозно влегоа во мечот и поведоа во 15-та минута кога една одбиена топка ја стави во мрежата на гостите Де Брујн за 1:0.

Но, само десет минути подоцна гостите добија пенал. Топката ја презеде Вард-Проус, кој беше сигурен од белата точка и успеа да изедначи на 1:1 и да ги врати работите на четвртина.

Сепак, Сити повторно поведе во самиот финиш на првото полувреме. До вториот гол домашниот тим стигна во 40. минута, а во центарот на вниманието беше Махрез, кој зголеми на 2:1.

Тоа не беше сè во првото полувреме затоа што во третата минута од судиското надополнување и Гундоган успеа да се запише во листата на стрелците, а Сити замина на пауза со резултат 3:1.

Се беше јасно во 55. минута кога Махрез со вториот погодок на мечот зголеми на 4:1. Саутемптон намали на 4:2 во следниот напад преку Адамс, но тоа беше се од гостинскиот тим за вечерва.

Последниот збор на мечот го имаше Де Брујн кој во 59. минута ги постави конечните 5:2 за Сити.

Сити е прв на табелата во Премиершип со 68 бода, додека Саутемптон е на 14-та позиција со 33 бода.