Манџукиќ одби пет понуди да потпише за Милан

Прашање на време е кога Марио Манџукиќ ќе потпише за тимот на Милан.

Ова денес го потврди новинарот Николо Шира, кој објави дека Манџукиќ одбил дури пет понуди поради Милан.

Станува збор за три екипи од Москва, поточно Спартак, Локомотив и ЦСКА, и Селта Виго од Шпанија, а заинтересиран беше и Бешикташ.

Сите тие понуди беа одбиени затоа што целта на Манџукиќ е да се врати во Серија А и да му докаже на Јувентус дека не беше во право затоа што го пуштија.

Наводно, договорот на Манџукиќ со Милан се очекува до крајот на неделава.