Маурицио Сари почна да учи англиски јазик поради својата нова работа

Сари се наоѓа на чекор до преземањето на Челзи.

Актуелниот тренер на Наполи, Маурицио Сари веројатно следната сезона ќе „шефува“ во Англија.

Добро информиран извори од Британија тврдат дека италијанскиот експерт е чекор понапред од преземањето на Челзи, а неговиот агент Алесандро Пелегрини веќе се сретнал со претставниците на Челзи.

Маурицио Сари, наводно, веќе напорно работи на подготовка за нова работа, и поради таа причина почнал да присуствува на курс по англиски јазик.

Еден искусен 59-годишен експерт ги прекина преговорите со Наполи за нов договор, а во сегашната (кој важи до 30 мај 2020 година) има клаузула за преземање на друг клуб со компензација од осум милиони евра. Оваа клаузула мора да се активира до 31 мај, па според ова треба да се очекува дека Челзи ќе забрза со конкретни потези.

Извесно е дека Антонио Конте по две години го напушта Челзи на крајот на сезоната, и дефинитивно Маурицио Сари е кандидат број еден за негов наследник на Стемфорд Бриџ.