Мејведер за Божиќ му купил на својот двегодишен внук вила од 20 милиони долари

Пензионираниот непоразен боксер Флојд Мејведер го почести својот внук со божиќен подарок од 20 милиони долари.

Имено, Мејведер на својот двегодишен внук Кентрел Голден му купил зграда на Шестата авенија во Менхетен, Њујорк. Оваа зграда се наоѓа во таканаречениот Дијамант Дистрикт, а во неа се сместени деловни простории, канцеларии, продавници за дијаманти и голема рекламна табла.

Floyd Mayweather bought his grandson Kentrell Jr a building in the NYC Diamond District for Christmas. Continuing generational wealth🏫🎁 pic.twitter.com/tTMpGCOCP5

— Wave Check🌊 (@thewavecheckk) December 26, 2024

“Кога бев млад, купував во таа продавница. Не ни сонував дека еден ден ќе го поседувам тоа место. Се е можно кога си посветен и работиш напорно”, изјави Мејведер.

Да потсетиме, Флојд во кариерата забележа 50 победи и ниту еден пораз и стана еден од најбогатите спортисти. Неговото богатство се проценува на нешто помалку од 500 милиони долари, додека во кариерата од боксот заработил околу 1,1 милијарда долари.