Металург со четири измени на мегдан против Спортинг

Македонскиот ракометен вицепрвак Металург на денешната средба со Спортинг Лисабон од третото коло на Лигата на шампионите ќе настапи во променет состав во однос на оној со кој настапи на средбата со Бешикташ.

Место Томовски на Арсиќ ќе му помага Даниловски, место Петров во составот е Арсеновски, на десното крило место Гуглета е младиот Шилегов, а на местото на Лапајне во составот ќе биде младиот Серафимов.

Тимот од Автокоманда ќе игра во следниот состав: Арсиќ, Даниловски, Анџелиќ, Арсеновски, Димитриевски, Дрогришки, Илиќ, Јагањац, Кузмановски, Палевски, Пешевски, Серафимов, Шилегов, Танкоски, Токиќ и Велковски.

Судии на средбата ќе бидат Молдавците Игор и Алексеј Ковалчук, додека делегат ќе биде Црногорецот Предраг Павичевиќ.

Натпреварот почнува во 17 часот и 30 минути.