Милан по големиот пресврт славеше во Фиренца

Фудбалерите на Милан денеска ја победија Фиорентина на гости со 3:2 во натпреварот од 28. коло во Серија А.

„Росонерите“ одлично го отворија натпреварот и поведоа уште во деветтата минута кога Златан Ибрахимовиќ погоди за 1:0 по асистенција на Кјаер.

Сепак, славјето на гостите не траеше долго бидејќи Фиорентина израмни во 17-та минута. Во центарот на вниманието беше Пулгар, кој постигна брилијантно од слободен удар за 1:1.

На почетокот на второто полувреме, домашниот тим дојде до целосен пресврт. Во 51. минута Влаховиќ го ангажираше Рибери, а искусниот Французин погоди за 2:1.

Сепак, Милан не се предаде и успеа да стигне до пресвртница. Росоњерите израмнија на 2-2 само шест минути подоцна кога Брахим Дијаз го совлада домашниот голман.

Росоњерите стигнаа до целосен пресврт во 73-та минута, а херој беше Калханоглу кој постигна гол за 3:2 и важни три бода за Милан.

Милан и понатаму е втор на табелата со 59 бода, додека Фиорентина е на 14-та позиција со 29 бода.