Модриќ е блиску до исполнување на сонот

Шпанскиот новинар Хозе Луис Санчез, кој е добро упатен во случувањата во Реал Мадрид, изнесе нови информации за плановите на Лука Модриќ (37).

„Модриќ е многу оптимист за постигнување договор со Реал Мадрид за продолжување на договорот и исполнување на сонот да се пензионира во Реал Мадрид“, гласи опсервацијата на новинар кој работи со неколку влијателни шпански медиуми.

Капитенот на хрватската репрезентација и странските медиуми го поврзуваат со заминување во Саудиска Арабија, поточно Ал Наср, каде што игра неговиот поранешен соиграч Кристијано Роналдо. Португалецот таму заработува околу 200 милиони евра годишно, а огромната сума на пари може да го насочи Модриќ во истиот правец, пишуваше претходните недели.

Сепак, единствената амбиција на Модриќ е кариерата да ја заврши во Реал Мадрид. Модриќ пристигна во Реал на 27 август 2012 година од Тотенхем за 35 милиони евра. Со шпанскиот клуб освои се што можеше да се освои, а во 2018 година ја освои и Златната топка, откако сензационално го освои сребрениот медал со Хрватска на Светското првенство во Русија.