Модриќ и Марсело позитивни на коронавирус

Хрватскиот репрезентативец и член на Реал, Лука Модриќ е позитивен на коронавирус.

Тоа го потврди и Реал Мадрид, кој истакна дека позитивен е и Бразилецот Марсело.

Тие сега ќе мора да бидат во изолација и нема да му бидат достапни на стручниот штаб во наредниот период.

Модриќ игра одлично оваа сезона и често добива пофалби. Така беше и по мечот со Атлетико Мадрид.

Добро е платен, а кралевите му подготвуваат нов договор,

Искусниот хрватски играч за врска е врзан за кралевите до крајот на сезоната, а Марка ги пренесе деталите од неговиот договор, според кои неговата годишна плата е 23 милиони евра.

Новинарите на весникот, кој традиционално му оди во прилог на Реал, дадоа се од себе во математиката и детално ја пресметаа заработката на капитенот на хрватската репрезентација.

Месечната плата на Модриќ е 1,96 милиони, тој заработува 457.630 евра неделно, 65.375 евра дневно или 2.723,99 евра на час, поточно 45,4 евра за минута или 0,75 евра во секунда.

Тоа е направено во бруто износи, но поради пандемијата на коронавирус прифати намалување од 10 проценти, така што неговиот реален приход е двојно помал.

Сепак, заработката од 11 милиони годишно, или 200.000 евра неделно, по наши стандарди секако може да се смета за вистинска вредност.

Модриќ сезонава забележа пет асистенции на 18 натпревари, но начинот на кој игра и делува на теренот говори дека се уште може да игра на врвно ниво.