Монтажно лизгалиште зимава во Битола – нов спортски комплекс и стадион сѐ уште чекаат битолчани

Битолчани сѐ уште чекаат нов спортски комплекс и доизградба на стадионот по „Тумбе Кафе“, но зато оваа зима на пракингот кај спортската сала „Боро Чурлевски“ ќе добијат ново монтажно лизгалиште.

На 14 овој месец пред советниците во битолскиот Совет  за гласање ќе се најди Програма за измена и дополнување на Програмата за урбана опрема на град Битола со нова локација за лизгалиште.

Владата во август годинава ја разгледа и усвои Информацијата за реализација на Проектот за изнајмување на 7 (седум) монтажни спортски лизгалишта и ја задолжи Агенцијата за млади и спорт да ги обезбеди потребните средства за реализација на проектот во висина од 14.000.000,00 денари, во рамките на сопствениот Буџет за 2019 година.

Со оваа одлука на Владата, им се препорачува на општините Охрид, Битола, Куманово, Струмица, Центар, Гостивар и Тетово да изберат и предложат до Агенцијата за млади и спорт локација како и да обезбедат одобрение за поставување на урбана опрема, односно монтирање на лизгалиште, најдоцна до 1  ноември оваа  година, пишува Апла.мк