Монца ќе биде летечка патека

Легендарната италијанска патека „Монца“ би можела да добие нов изглед пред својата стогодишнина која ќе биде одбележана во 2022 година, пренесува „Газета дело Спорт“.

Италијанската авто – мото федерација планира радикални промени, кои вклучуваат укинување на една шикана и редизајнирање на свиокот „Лезмо“, за кои ќе се инвестираат сто милиони евра.

Првиот човек на Федерацијата, Анџело Стики Дамјани, откри дека според новите планови и конфигурацијата оваа патека ќе биде многу побрза за болидите, иако според сите параметри важи за една од најбрзите патеки во календарот на Формула 1.