Може и без Клоп – Буваќ на чекор до одличен ангажман

Иако претходните денови се зборуваше дека клупата на Фенербахче може да ја преземе Арсен Венгер, Лоран Блан, Вила – Боас и други, сега турските медиуми пренесуваат дека Жељко Буваќ би можел да биде новиот тренер на турскиот гигант.   

„Тактичкиот гениј од сенка“ неодамна го напушти Ливерпул, и воедно ја заврши и соработката со Јирген Клоп, а откако медиумите го поврзаа со Арсенал, сега се појавила информација дека Буваќ може да седне на клупата на Фенербахче.

Моменталниот тренер на клубот од Истанбул, Ајкут Кочаман е на излезна врата, а сето тоа е поради доаѓањето на новиот спортски директор Дамиен Комоли, кој наводно се залагал за Буваќ да биде новиот тренер.

Преземање на клуб како што е Фенербахче би претставувало голем предизвик за Буваќ, кој во претходните 17 години соработуваше со Клоп во Ливерпул, Борусија Дортмунд и Мајнц.