Мурињо „бесен“ – Се налути, ја тресна вратата и си замина

Тренерот на Рома, Жозе Мурињо, видно лут, ја напушти просторијата каде што требаше да се одржи прес -конференцијата во неделата вечерта.

Вучица беше поразена во градското дерби од големиот ривал Лацио со 3:2, а португалскиот тренер, откако ги собра играчите на средината на теренот, застана пред камерата и ги обвини судиите и ВАР дека тие се виновни за неуспехот на неговиот тим.

Тогаш Мурињо требаше да се појави пред други новинари, но едно лице од лигата му рече дека поради протоколот може да разговара само со Скај Спорт, додека други претставници на „седмата сила“ можат да ги следат на екранот.

Португалецот одговори дека тоа е протокол за тренерот Лацио, но не и за тренерот но Рома, инсистирајќи дека другите новинари треба да ја работат својата работа.

„Сакам да разговарам со новинари, а вие не ми дозволувајте да зборувам. Мора да ја почитувате нивната работа, тие имаат право да ми поставуваат прашање“, рече Мурињо.

Откако уште еднаш доби негативен одговор, „Специјален“ одлучи да се повлече…

„Извинете, но тоа е така“, додаде тренерот на Рома пред да ја тресне вратата и да замине.