Мурињо објасни зошто ги провоцирал фановите на Јуве

По победата на Манчестер јунајтед над Јувентус, Жозе Мурињо со неспортски гест ги испровоцира фановите на домашниот тим, Португалецот имал причина за тоа.

Мурињо и навивачите на Јувентус не се сакаат многу. Португалецот му беше тренер на Интер кој е најголем ривал на италијанскиот шампион.

Во Манчестер Мурињо им покажа три прста во знак на тројната круна на Интер, а вечерва повторно ги испровоцира откако неговиот тим победи.

„Бев навредуван 90 минути и јас сум тука да си ја работам мојата работа. Бев навредуван, мојата фамилија беше навредувана и направив гест кој значеше сакам да слушнам уште песни сега“, вели Мурињо.

„Не навредив никој на крајот, направив гест кој значеше дека сакам да ги слушнам погласно. Веројатно не требаше да го направам тоа, и со ладна глава немаше да го направам, но беше навредувана мојата фамилија, беше навредувана мојата Интер фамилија, и реагирав така“.