На Манчестер Сити им требаат уште шест гола за нов рекорд во Премиер лигата

Во оваа календарска година, фудбалерите на Манчестер Сити постигнаа 101 гол во Премиер лигата со што се на прагот да го соборат рекордот на Ливерпул од 1982 година.

Ливерпул во 1982 година со Кени Даглиш и Јан Раш постигнаа 106 гола во тогашната прва лига на англискиот фудбал.

До крајот на оваа календарска година тимот на Пеп Гвардиола има уште два натпревари, со Кристал Палас и Њукасал и се надеваат дека ќе го соборат овој рекорд.

Манчестер Сити во моментов има серија од 17 победи по ред, што е апсолутен рекорд на Премиер лигата.