Навивачите на Барселона сега му се смеат: Дали Вајналдум ја направи најголемата грешка во кариерата?

Џорџинио Вајналдум летово го напушти Ливерпул како слободен играч и потпиша за ПСЖ.

По неколку многу добри сезони, Холанѓанецот одлучи да го напушти Ливерпул бидејќи бараше нов предизвик во кариерата, и одлучи да го одбие новиот договор што му го понудија „црвените“.

Вијналдум имаше неколку понуди на маса, но многумина веруваа дека кариерата ќе ја продолжи во Барселона.

Не е тајна дека Вијналдум договори се со каталонскиот клуб и дека требаше да потпише договор, но потоа доби понуда од ПСЖ, поради што се премисли и се пресели во Париз.

Холанѓанецот тогаш рече дека не дошол во ПСЖ поради парите, туку дека го привлекуваат други работи. Но, изгледа дека работите не се одвиваат онака како што се надеваше во францускиот клуб.

Вијналдум призна дека не е најсреќен со ситуацијата во ПСЖ бидејќи повеќето натпревари започнуваат од клупата.

„Искрено, не ми се допаѓа мојата ситуација во ПСЖ. Не можам да кажам дека сум задоволен и среќен. Загрижувачки е кога не играм“, изјави Вијналдум.

Неговата сегашна ситуација особено ги воодушеви навивачите на Барселона, кои сега уживаат во изборот на Вијналдум кај ПСЖ, иако тој веќе се согласи да дојде во каталонскиот клуб.