Некогаш светска ѕвезда, денес затвореник во сопствената земја: Пијаната ноќ му го уништи животот

Поранешниот бразилски фудбалер Робињо (37) вчера е осуден на девет години затвор поради силување.

Италијанскиот суд ја потврди огромната затворска казна за поранешната ѕвезда за силувањето на 23-годишна Албанка што се случи во ноќен клуб во Милано во 2013 година.

Сепак, бидејќи Робињо долго време е во родниот Бразил, тој не е зад решетки и се уште е слободен човек.

Италија се уште бара начин да го испрати Робињо во затвор. Ќе испратат официјално барање до бразилските власти поранешниот фудбалер да ја отслужи казната во Бразил, бидејќи меѓу двете земји нема договор за екстрадиција.

Робињо засега е безбеден, но тешко дека може да се пресели од Бразил бидејќи веднаш би бил уапсен и екстрадиран во Италија во повеќето земји во светот.

Италија има договор со повеќе од 100 земји ширум светот за екстрадиција на криминалци, па секое патување на поранешен фудбалер веројатно би го одвело зад решетки.

Затоа е принуден да остане во Бразил. Тој е буквално затворен во сопствената земја, иако може слободно да се движи.

Сепак, тешко е да се поверува дека ќе ризикува да патува некаде, особено поради фактот што сега е осуден силувач.

Робињо има одлична кариера зад себе. Играше за великани како Реал и Милан, а во кариерата ги носеше и дресовите на Сантос, Гуангжу, Манчестер Сити, турските тимови Сиваспор и Башакшехир, Атлетико Минеиро.

Кариерата ја заврши во 2020 година и официјално како член на Сантос.