Немоќни против светскиот шампион: Данска со убедлива победа над Македониjа

Македонската ракометна репрезентација без победа го заврши настапот на Европското првенство. Нашата репрезентација го доживеа и третиот пораз на ЕУРО 2022 од репрезентацијата на Днаска со резултат од 21:31.

Македонија одлично го започнаа натпреварот. Нашите ракометари играа одлично во одбраната и нападот, одличен на голот беше и Митревски, па во воведните минути од натпреварот направија серија од 4 гола.

Потоа следеше серија од 4 гола на Данска за прво изедначување на резултатот во 13. минута од натпреварот.

Во 16. минута од натпреварот Данците дојдоа до првото водство на натпреварот од 6:5.

Во 24. минута од натпреваро репрезентацијата на Данска доаѓа до +3 (12:9), и оваа разлика успеа да ја задржи до самиот крај на првото полувреме.

Нашите ракометари покажаа одлична игра на полувреме и покрај тоа што на пауза заминаа со негатива од 4 гола (11:15).

Второто полувреме Данска го започна одлично, покажаа дека се моќна репрезентација и зашто се Светски шампиони. Во 39. минута доаѓаат до +6 за резултатот на семафорот да покажува 14:20 за Данска.

За разлика од Данска, нашата репрезентација во првите 15 минути од второто полувреме успеа да спотигне само 5 голови.

Во 46. минута од натпреварот Данска доаѓа на високи +8 (16:24).

Репрезентацијата на Данска продолжи да ја користи секоја грешка на нашата репрезентација и во 57. минута од натпреварот дојдоа во високи 18:30.

Нашите ракометари беа немоќни, малиот пад на концентрацијата во второто полуврем му дозволи на Данска да дојде во високи +12.

На крајот Данска успеа да издвојува убедлива победа на Македонија со 21:31, а нашата репрезентација овде го завршува настапот на Европското првенство.

Најефикасен во нашата репрезентација беше Пешевски со 6 погодоци, а исто така одличен на голот беше Митревски кој забележа 6 интервенции и постигна еден погодок.