Објавен е списокот на Шведска за Европското првенство, без Златан Ибрахимовиќ

Шведска на Европското првенство ќе игра во групата со Шпанија, Полска и Словачка.

Списокот од 26 играчи на кој ќе смета шведскиот селектор беше официјално објавен денес, а Златан Ибрахимовиќ го нема на него поради повреда.

На списокот има некои други sвезди во Серија А, како што се Дејан Кулушевски од Јувентус или Робин Олсен од Рома, а има, како што се очекуваше, и други sвезди како Александар Исак или Емил Форсберг.

Список на Швеѓани за Евро 2020: Робин Олсен, Карл-Јохан Јохансон, Кристофер Нордфелд; Микаел Лустиг, Виктор Линделоф, Андреас Гранквист, Мартин Олсон, Лудвиг Августинсон, Филип Хеландер, Емил Крафт, Понтус Јансон, Маркус Даниелсон; Себастијан Ларсон, Албин Екдал, Маркус Берг, Емил Форсберг, Александар Исак, Густав Свенсон, Кен Сема, Виктор Класон, Матијас Сванберг, Кристофер Олсон, Дејан Кулушевски, Робин Кваисон, Џордан Ларсон, Јенс Кајуште.

Селекторот на Шведска, Јане Андерсон изјави дека Златан контактирал со него, дека му е многу жал што нема да настапи на Европското првенство поради повреда на коленото и дека ќе ја следи селекцијата со сето свое срце на секој натпревар.

Првиот натпревар Швеѓаните го играат против Шпанија на 14 јуни во Севилја, после тоа на 18 јуни против Словачка во Санкт Петербург, а на 23 јуни ќе се натпреварува со Полска во истиот град.