Connect with us

Фудбал

Омилениот момент на Меси во кариерата и тоа во „дворот“ на неговиот најголем ривал!

Аргентина ја освои Копа Америка откако го победи Бразил со 1:0 на стадионот „Маракана“ во Рио де Жанеиро.

Лионел Меси, за многумина најдобриот фудбалер во историјата, конечнодочека да го подигне трофејот во репрезентативниот дрес.

По низата порази во финалето, Меси го оствари својот омилен момент во кариерата пред најголемиот ривал, барем кога станува збор за националниот фудбал.

Натпреварот беше очекувано тежок и напнат со дури девет жолти картони, а победникот беше решен уште во првото полувреме кога погоди Анхел Ди Марија.

Ди Марио убаво прими едно долго додавање и со одличен лоб го измами Едерсон. Тоа беше навистина еден од најубавите голови на турнирот.

Во второто полувреме, Бразилците направија офанзива, имаа голем број на добри можности, но Емилионо Мартизен, херојот на „гаучосите“ од сенка, беше одличен како и за време на целиот турнир.

Ова беше прв трофеј на Аргентина по скоро 30 години чекање, последната Копа Америка беше освоена во 1993 година.