Перез со ултиматум до Зидан, победи во „Ел Класико“ ако сакаш да ја сочуваш работата

Доколку може да му се верува на шпанскиот весник „АС“, по мечот со Шахтјор и поразот од 3:2 бурно било во соблекувалната на Реал Мадрид. Наводно првиот човек на тимот Флорентино Перез се симнал во соблекувалната, каде што имал многу да каже.

Но, она што е најважно е тоа дека наводно му поставил ултиматум на Зинедин Зидан. Перез му рекол да победи на следните два меча, првиот во сабота против Барселона, а вториот кој ќе биде практично поправен испит на гостувањето кај Борусија Менхенгладбах во ЛШ кој ќе се одигра три дена по „Ел Класико“.

По двата шокирачки порази од Кадиз и Шахтјор секако дека ваквите разврски се очекувани.