Пирло го предупредува и критикува тимот: Мора да бидеме внимателни

Андреа Пирло сака повеќе од неговиот Јувентус.

Тренерот на белите се подготвува за саботниот натпревар против Парма, без да ја заборави „болката“ за второто реми пред неколку дена против Аталанта.

„Парма игра добро, особено од моментот кога го смени модулот. Тие добија важни и позитивни резултати во натпревари како оние против Џенова и Милано“, објасни Пирло за ТВ Јувентус и продолжи:

„Тоа е тим кој се опоравува. Го смени начинот на игра со нов тренер. Треба да бидеме претпазливи, иако ќе играме повторно по три дена и ќе мора да ја вратиме физичката и менталната сила.

Тие ќе се обидат да се бранат и да направат противнапад. Ќе мора да бидеме внимателни и да преземеме ефикасни мерки кога ќе ја имаме топката“

„Во врска со нерешениот резултат 1-1 против Аталанта, сè уште сум лут, имавме добар натпревар против одличен тим. Исто така има разочарување затоа што не ги искористивме креираните ситуации“, додаде Пирло.