Пирло за Гатузо: Жал ми е, но имам свои проблеми

Јувентус утре игра против Наполи во дербито на 22. коло во Серија А.

Овој натпревар може да ја одреди судбината на тренерот на Наполи, Џенаро Гатузо, кому му претстои отказ поради лошите резултати.

На клупата на Старата дама е неговиот поранешен соиграч од Милан, Андреа Пирло. Тренерот на Јувентус зборуваше за Гатузо пред овој натпревар.

„Гатузо? Жал ми е што Рино е во ваква ситуација, но во моментов размислувам само за своите проблеми“, изјави Пирло пред овој натпревар и додаде:

„Гледаме само на себе. Нашата цел е да го освоиме Скудетото, а не да го елиминираме Наполи од борбата. Ќе ни требаат повеќе од 80 поени за титулата“, тврди Пирло.

Натпреварот Наполи – Јувентус се игра утре од 18 часот.