Погба ги попушта дуелите против Казахстан и Финска

Пол Погба нема да игра за француската репрезентација на квалификациските натпревари за СП 2022 против Казахстан и Финска.

Асот на Манчестер Јунајтед го повреди бутниот мускул на десната нога, соопшти Францускиот фудбалски сојуз. Тој во понеделникот го напушти тренингот во друштво на репрезентативен лекар. Наместо Погба, Дидие Дешамп го повика играчот на Рома Џордан Верету.

Франција е прва во својата квалификациска група, а во последните два натпревари на 13 ноември ќе се сретне со Казахстан, а три дена подоцна ќе гостува во Финска.

Триколорите со победа против Казахстан би обезбедиле пласман на планетарниот шампионат во Катар. Франција е актуелен светски шампион.

#ASRoma midfielder Jordan Veretout has been called up to replace Paul Pogba in the #France squad ahead of the #WorldCupQualifiers.https://t.co/loWNKxMl72#SerieA #WCQ #Veretout #Pogba #Veretout

— footballitalia (@footballitalia) November 9, 2021