Погба: Имав понуда од Реал, срцето ме однесе во Јунајтед

Фудбалерот од средниот ред на Манчестер Јунајтед, Пол Погба, призна дека имал понуда од Реал Мадрид минатото лето, кога бил дел од Јувентус. Французинот, сепак го послушал неговото срце и помина на „Олд Трафорд“.

Добив понуда од Реал Мадрид и мислев дека ќе ја прифатам, Во исто време размислував и за Манчестер Јунајтед, а моето срце ми кажа дека морам да го одберам Јунајтед. Не знаев зошто, но така чувствував. На крајот така постапив и не жалам поради мојот избор, рече Погба.

Французинот се пресели во Манчестер Јунајтед пред почетокот на минатата сезона за 89 милиони фунти.