Покетино: Сакам да играм против Гвардиола, ќе ги добиеме

Менаџерот на Тотенхем, Маурицио Покетино, пред саботниот дуел со Манчестер Сити смета дека неговиот тим може да дојде до победата над лидерот на табелата.

– Одиме со намера да ги победиме. Фудбалот е фудбал и може се да се случи. Играме добро овој период и тоа е многу важно за нас. Сметаме дека можеме да се искачиме високо на табелата. Сезоната е долга , рече Покетино.

Предводникот на Тотенхем сака да игра против тимови кои ги води Гвариола.

-Играме со екипата на Манчестер Сити, најдобриот тим во Англија и еден од најдобрите во Европа и сигурно ќе уживаме на овој меч. Сакам кога играм такви натпревари, а посебно сакам кога играм против Пеп Гвардиола, вели Покетино.

Натпреварот помеѓу Манчестер Сити и Тотенхем на распоредот е в сабота со почеток во 18:30 часот.