Поранешен италијански фудбалер е уапсен затоа што одгледувал марихуана во пластеник

Поранешниот играч на Јувентус, Интер, Рома и Парма, Луиџи Сартор е уапсен за одгледување марихуана.

Сартор важеше за еден од најголемите потенцијали на италијанскиот фудбал, но тој никогаш не успеа да ја постигне кариерата што му се предвидуваше.

Играше на Апенините за многу клубови, вклучувајќи ги Јувентус, Интер, Рома и Парма. Но, по завршувањето на кариерата во 2009 година, тој се посвети на некои други работни места.

Утрово беше потврдено дека Сартор е уапсен под сомнение дека одгледувал марихуана во неговата стаклена градина.

Сартор бил уапсен во куќа во близина на Парма каде одгледувал 106 растенија марихуана. Полицијата го следеше некое време, а тој беше уапсен во петокот, како дел од голема акција. Тој е во домашен притвор и се брани со молчење.