„Порано или подоцна, Модриќ ќе игра во Серија А“

Најдобриот фудбалер на Мундијалот, хрватскиот репрезентативец Лука Мидриќ, веќе со денови се поврзува со Интер, но иако се чинеше дека неговиот трансфер од Реал во Интер е речиси готов, сепак тој се уште е во Мадрид.

Меѓутоа, и покрај тоа што се стишиле гласините за трансферот на Модриќ во последните денови, никој со сигурност не може да каже дека Модриќ и наредната сезона ќе остане во Реал.

По повод шпекулациите за Модрич се огласи и угледниот хрватски менаџер, Марко Налетилиќ, кој верува дека хрватскиот репрезентативец еден дек ќе игра во Серија А.

„Колкаво е влијанието на Кристијано Роналдо на италијанскиот фудбал најдобро се гледа од фактот дека Интер го сака Модриќ и дека тој размислува за заминување од Реал. Модриќ сака да биде ѕвезда во Серија А со Интер. Ќе видиме, но верувам дека Модриќ порано или подоцна ќе игра во Италија. Покрај другото, како и сите Хрвати на негови години, пораснал гледајќи Серија А“, изјавил Налетилиќ.