Познат судија го напушти фудбалот: „Уморен сум од навреди и пцовки, тука нема судење“

Натпреварот од турското првенство меѓу Газиантеп и Касимпаша привлече големо внимание минатата недела.

Судијата Халис Озкахја го продолжи овој натпревар за девет минути, но крајот го досуди по четири одиграни минути.

? Gaziantep FK – Kasımpaşa karşılaşmasında maç, olması gerekenden dört dakika erken bitirilmişti. Halis Özkahya, oyuncuları soyunma odasından geri çağırdı. Kalan süre oynanacak. #GFKvKSP pic.twitter.com/7Mb9mrBzNL

— beIN SPORTS Türkiye (@beINSPORTS_TR) November 5, 2021

Тоа не беше крајот. Иако апсолутно сите го напуштија стадионот, Озкахја реши да ги врати тимовите на теренот и да ги одигра преостанатите минути од натпреварот кој заврши со победа на Газиантеп од 2:0.

По се што се случи, 41-годишниот судија реши да стави крај на кариерата, а во изјава за турските медиуми истакна дека едноставно повеќе не може да слуша бројни навреди.

„Фудбалската средина стана многу грда. Уморен сум од слушање навреди и пцовки на секој натпревар. Затоа не сакам да останам во овој хаос ниту една секунда“, изјави Озкахја и додаде:

„Нема можност да судам во таква средина. Затоа решив да ја завршам кариерата“, изјави сега веќе поранешниот турски судија.

Halis Özkahya: "Futbol ortamı çok çirkinleşti. Her maç hakaret ve küfürler işitmekten sıkıldım. Bu kaos ortamında daha fazla durmak istemiyorum. Bu ortamda hakemlik yapılmaz. Bırakma kararı aldım. Kararım kesin." (TV100) pic.twitter.com/iaDHbHwjYR

— Buzz Spor (@buzzspor) November 8, 2021

Тој ја коментираше и грешката што ја направи и која ќе биде последна во неговата судиска кариера.

„Никој не ме принуди да се вратам на теренот. Можев да кажам дека не згрешив и за се го обвинив четвртиот судија и дека покажа погрешно време, но тоа не е мојот карактер. Поради сето тоа заминувам од судењето“, рече Озкахја.

Халис Озкахја е сопственик на значката на ФИФА од 2009 година и важеше за еден од најдобрите турски судии.