Connect with us

Фудбал

Познато е кој играч Чави не го пријавил за натпреварите од Лига Европа

Барселона беше многу активна во јануарскиот преоден рок, а клубот успеа да доведе четири засилувања.

Прв во Барселона како слободен играч пристигна Дани Алвеш, а по него каталонскиот клуб успеа да го купи Феран Торес од Манчестер Сити за околу 70 милиони евра.

Барселона во самиот финиш на зимскиот преоден рок успеа да доведе уште две засилувања. Адама Траоре пристигна на позајмица од Вулверхемптон и денеска беше потврдено дека договор потпишал и Пјер-Емерик Обамејанг.

Обамејанг пристигна во Барселона како слободен играч по раскинувањето на договорот со Арсенал за да може да го направи својот трансфер на Камп Ноу.

Сепак, Чави ќе може да пријави само тројца играчи за натпреварите од Лига Европа, а ќе мора да отпише и еден што се однесува до нокаут фазата од ова натпреварување.

Шпанските медиуми вечерва објавија дека Барселона и официјално пријавила тим за Лига Европа, а на списокот го нема Дани Алвеш кој до крајот на сезоната ќе игра само натпревари од Ла Лига.