Премиерот на Јапонија го отфрли новото одложување на Олимписките игри

Јапонскиот премиер Јошихиде Сука во петокот изјави дека Олимписките игри сигурно ќе се одржат ова лето во Токио и дека не се зборува за ново одложување.

„Јапонија ќе стори сé за да ги направи Игрите целосно безбедни за сите што ќе дојдат во Токио и тие ќе служат како симбол на глобалната солидарност“, рече Сука.

Олимписките игри во Токио во 2020 година се одложени за една година, а нивниот почеток е планиран за 24 јули годинава. Во истражувањето на јапонските медиуми, повеќето Јапонци се спротивставуваат на одржувањето на Игрите во 2021 година и сметаат дека мора да се случи ново одложување или целосно откажување на настаните. Поради доцнењето и коронавирусот, Олимписките игри во Токио ќе станат најскапите летни игри во историјата бидејќи трошоците пораснаа за 2,8 милијарди долари на вкупно 13 милијарди долари.