ПСЖ рутински славеше во Лион

ПСЖ вечерва во дербито на 30.коло од Лига 1 на гости го победи Лион со 4:2.

Парижаните брилијантно го отворија мечот и поведоа во 15-та минута кога Килијан Мбапе погоди за 1:0.

Гостите стигнаа до вториот погодок во 32-та минута. Маркињос асистираше, а мрежата на Лион овој пат ја затресе Данило кој ја удвои предноста на Парижаните.

ПСЖ на почетокот на второто полувреме стигна до 3:0, а со многу среќа Ди Марија се запиша во листата на стрелците.

Работата на овој натпревар ја заврши Мбапе кој погоди за 4:0 во 52-та минута. Лион до крајот го ублажи поразот на 4:2, а головите ги постигнаа Слимани и Корнет.