„ПСЖ со Меси изгледа послаб“

ПСЖ направи грешка во првото коло од Лигата на шампионите и ремизираше со Клуб Бриж 1:1.

По натпреварот, многу се коментираше резултатот на Парижаните, во чиј тим беа и Лионел Меси и Килан Мбапе.

Ставот го даде и легендарниот Мајкл Овен, кој смета дека ПСЖ стана послаб тим со Меси.

„Колку и да сме фасцинирани од овие тројца феноменални напаѓачи, кои се врвни поединци, ми се чини дека нападот е послаб кога играат Меси, Нејмар и Мбапе“, рече Овен, додавајќи:

“Не разбирам зошто се меѓу фаворитите во Лигата на шампионите. Мислам дека сите четири англиски тимови се далеку, многу напред”.

Нема сомнение дека изјавата на Овен ќе предизвика многу реакции, а какви игри ќе прикажува Меси во дресот на ПСЖ, ќе видиме подоцна во сезоната.