Ратковица нов играч на Цибона

Поранешниот кошаркар на Партизан Бранислав Ратковица одлучи да потпише за Цибона, објави денеска загрепскиот клуб.

Српскиот 32-годишен плејмејкер без клуб беше од лето кога го напушти Партизан, а сега како слободен играч замина во Цибона, каде што ќе биде главниот организатор на играта.

Својата кариера Ратковица ја почна во Беопетрол, беше член и на Мега, долго време играше за германски Олденбург, двапати во Тибинген и Артланд, потоа за турски Алиаг и Олин и бугарски Лукоил.

Тој сега ќе биде еден од ретките Срби кои одлучија да го носат дресот на Цибона по 1991 година.