Рекорден спонзорски договор

Одличните резултати кои ги бележи Ливерпул во актуелната сезона можно е да резултираат и нов спонзорски договор кој ќе биде со рекорден износ.

Според „Дејли мејл“ клубот преговара за обновување на актуелниот договорот со добавувачот на спортска опрема „Њу Баланс“. Новиот договор може да вреди околу 80 милиони фунти.

Доколку се најде заеднички јазик околу новиот договор, тоа ќе значи рекорд во Премиер лигата. Досегашниот рекорд го држи Манчестер јунајтед, кој добива 75 милиони фунти од „Адидас“.