Рома убедлива на гостувањето кај Беневенто

Екипата на Рома ја оправда улогата на фаворит во дуелот против дебитантот во Серија А, тимот на Беневенто, совкадувајќи го со 4:0.

Во натпреварот од 5. коло на италијанското првенство, Рома до победата стигна благодарение на двата гола на босанскиот репрезентативец Един Џеко (20 и 52. минута), како и двата авто-гола на домашните фудбалери Лучиони и Венути (35 и 74).

Сега Рома има девет бода од четири натпревари, а Беневенто остана закован за дното на табелата без ниту еден освоен бод и гол-разлика од еден постигнат и дури 14 примени голови.

Вечерва се играат преостанатите осум меча, од кои најинтересни се дуелите меѓу шампионот Јувентус и Фиорентина, како и средбата во Рим каде Лацио го пречекува Наполи.