Роналдо денска би вредел 433 милиони евра

Легендарниот бразилски фудбалер Роналдо е еден од најдобрите напаѓачи во историјата на фудбалот.

Роналдо своевремено беше најдобриот играч на светот и далеку пред своето време, а сигурно дека за него само небото би било граница да немаше голем проблем со повредите. Бразилецот професионалната кариера ја започна во Крусеиро, а потоа дојде во европа каде потпиша за ПСВ.

Летото 1996 година за 15 милиони евра го купи Барселона, а само година пота премина во редовите на Интер за 28 милиони евра. Нјголемата цена која Роналдо ја постигна е 46 милиони евра која Реал ја плати за него во 2002 година.

Цените на денешните трансфери се неверојатни, доволно е само да се каже еден врвен голман денеска вреди двојно повеќе. Најскап играч досега е Наејмар кој е платен 222 милиони евра, но сигурно дека Роналдо во денешно време би чинел навистина многу.

Од официјалните извештаи на „Плеј Рејтингс“ дознаваме која би била цената на Роналдо да игра денеска како што играше во неговите најдобри денови. Според нивните извештаи Интер денеска би можел да заработи неверојатни 433 милиони евра ако во своите редови го имаше Роналдо на врвот на кариерата.