Роналдо: Не е важно колку години имате, сето тоа е во вашата глава

Најдобриот португалски фудбалер, 35-годишниот Кристијано Роналдо верува дека ќе игра уште неколку години, и се надева дека ќе ја освои светската титула со Португалија во Катар во 2022 година, објавија италијанските медиуми.

„Не е важно колку години имате, сето тоа е во вашата глава. Се чувствувам добро во моментов и среќен сум. Гледам светла иднина за себе и се надевам дека ќе играм уште неколку години. Но, во фудбалот никогаш не знаете што ќе се случи утре. Затоа кога разговарам со млади играчи секогаш им велам да уживаат во она што го прават во моментов затоа што никој не знае што носи иднината“, рече Кристијано Роналдо, кој освои скоро сè што може да се освои.

Но, сепак му недостасува само еден трофеј.

„Сонувам да ја освојам светската титула со репрезентацијата на Португалија. Мислам дека е остварливо“, додаде Роналдо.