Тајмаут
Само еден играч знаеше дека Зидан заминува од Реал Мадрид
Францускиот стратег Зинедин Зидан пред неколку дена ги шокираше навивачите на Реал Мадрид со одлуката да го напушти клубот по третата последователна титула на Лигата на шампионите.
Зидан одлучи дека најдобро за него е да ги напушти „Кралевите“, бидејќи повеќе не чувствуваше дека толку многу му е потребен на тимот. Францускиот стручњак, за помалку од три години направи големо чудо на клупата на овој клуб, освојувајќи ја Лигата на шампионите три пати по ред. Сепак, на самиот врв, Зидан одлучи да ја напушти клупата на „Кралевите“.
Шпанските медиуми објавија дека Серхио Рамос бил единствениот фудбалер кој ја знаел одлуката на Зидан и се обидел да го убеди да се премисли. Сепак, Зидан цврсто одлучи да го напушти кралскиот клуб, и на крајот, тој испрати осетлива порака преку „Whatsapp“ до играчите на клубот.
„Ви благодариме за сè. Без вашата поддршка во најтешките моменти, ништо од ова немаше да постигнеме. Еден ден ќе се сретнеме повторно“, порача Зидан, кој доби одговор од сите играчи освен од Герет Бејл.