Сари со една изјава ги расчисти дилемите околу Азар

Новиот менаџер на Челзи Маурицио Сари ги отстрани дилемите околу тоа дали Азар ќе остане на „Стемфорд Бриџ“.

Добро е познат фактот дека белгискиот фудбалер е голема желба на Реал Мадрид, кој има уште малку време за да го доведе во своите редови, меѓутоа од трансферот изгледа нема да биде ништо.

Сари неколкупати разговараше со Азар, а исходот е позитивен.

„Не гледам проблем во овој момент. Ние двајца во последните два дена разговаравме два или три пати и можам да кажам дека со него нема никакви проблеми“, јасно кажа стратегот на „плавите“.

Англиските медиуми пишуваат дека Челзи веќе му подготвил на Азар двогодишен договор, со кој седмично ќе заработува 300.000 фунти.