“Секоја година не поврзуваат со 50 играчи, и на крајот никој не доаѓа во Реал”

Бразилецот, Нејмар честопати е поврзан со Реал Мадрид во последно време, а секојдневните шпекулации велат дека ќе го напушти ПСЖ ова лето и ќе потпиши за кралевите.

Нејмар пристигна во Париз минатото лето за неверојатни 222 милиони евра од Барселона и тешко е да се очекува дека веднаш ќе го промени клубот. Сепак, шпанските медиуми не се откажуваат од шпекулации дека Нејмар ќе дојде во Реал, бидејќи е прва желба на Флорентин Перез.

Кристијано Роналдо зборуваше за секојдневните шпекулации за Нејмар, иако не му се допадна ова прашање од новинарите. Португалцот рече дека тој не ги контролира трансферите, но не верува дека Нејмар ќе дојде во овој клуб.

“Нејмар доаѓа во Реал Мадрид? Не знам, не можам да ги контролирам тие работи. Тука сум осум години и секоја сезона најмалку 50 фудбалери се поврзани со овој клуб, но всушност, никој не доаѓа. Некако верувам дека така ќе биде и овој пат “рече Роналдо.