Селтикс очекуваат Гордон Хејворд да се врати за серијата со Мајами

Орландо, 12 септември 2020 (МИА) – Во стручниот штаб Бостон Селтикс очекуваат нивниот кошаркар Гордон Хејворд да се врати за натпреварите во финалето на Источната конференција против Мајами.

Тие очекувања ги сподели тренерот на Бостон, Бред Стивенс.

• Мислам дека тој ќе се врати во одреден момент за време на серијата, но не знам кога“, изјави Стивенс.

Првиот меч од серијата меѓу Бостон и Мајами е закажан за 15 септември. зс/