Сергеј пропушти да биде херој! Рома владееше на теренот, Лацио извлече бод на „Олимпик“

Во дербито во Рим во 21-то коло од Серија А, фудбалерите на Рим и Лацио одиграа нерешено 1:1 (1: 1).

На стадионот „Олимпик“ копјата ги преминаа двајца играчи на српската репрезентација – Сергеј Милинковиќ Савиќ од првата минута и Александар Коларов од 83-та минута од играта.

Сергеј имаше шанса да ги донесе трите бода во финишот на натпреварот, сепак силниот удар што тој го испрати мина покрај левата статива. Тоа беше една од ретките можности на натпреварот за Лацио, со оглед дека Рома беше многу подобар противник на теренот.

Противникот пак имаше дури 16 шута, од кои седум беа во близина на голот. Голманот на Лацио направи голема грешка во 26. минута кога Рома го презеде водството.

Џеко ја искористи грешката и му донесе предност на својот тим. Радоста не траеше долго, бидејќи Ачерби изедначи во 34-та. Повторно грешка на голманот, но овој пат Лопез.

На полувреме се отиде со 1:1, а во продолжението на играта Рома беше подобар ривал, имаше повеќе можности, но не беа искористени. Џеко имаше голема шанса во 88-та да му даде на тимот три бода, но Стракоша одлично одговори.

Лацио остана на третото место со 46 бода, пет помалку од првопласираниот Јувентус, додека Рома се најде на четвртото место со 39 бода.