Фудбал
Серхио Агуеро се огласи по веста дека ја завршува кариерата
Бројни европски медиуми денеска објавија дека искусниот аргентински напаѓач Серхио Агуеро (33) ќе стави крај на професионалната кариера поради проблеми со срцето.
Напаѓачот на Барселона неодамна на мечот со Алавес почувствува отежнато дишење и ја напушти играта.
Прегледите во болницата покажале дека Агуеро има срцева аритмија и искусниот фудбалер бил принуден да паузира извесно време.
View this post on Instagram
Денеска се појавија информации за тоа како ќе ја заврши кариерата, а веста која ја објави каталонското радио „RAC“ ја коментираше и самиот Агуеро.
„Поради сите шпекулации, сакам да ви кажам дека ги следам советите на клупските лекари, правам тестови и третмани. Напредокот треба да биде видлив за 90 дена. Само позитивно“, напиша Агуеро на социјалните мрежи.
Ante los rumores les cuento que estoy siguiendo las indicaciones de los médicos del club, haciendo pruebas y tratamiento y ver mi evolución en el plazo de los 90 días. Siempre en positivo ??
— Sergio Kun Aguero (@aguerosergiokun) November 12, 2021
Искусниот 33-годишен напаѓач оваа сезона одигра само пет натпревари за Барселона, а претходно 10 години играше за Манчестер Сити.
View this post on Instagram
Агуеро беше одличен во Англија. На 390 натпревари постигна 260 гола и е апсолутна легенда на Граѓаните.
Претходно во кариерата играше и за Атлетико Мадрид и аргентински Индепендиенте.
