Серијата од 16 победи на Бостон е прекината, Мајами ги сопре „Селтикс“ (ВИДЕО)

Бостон доживеа пораз по 35 дена, Мајами ја сопре низата од 16 победи на „Селтикс“.

Изминатиов период, избраниците на Бред Стивенс станаа мајстори кога се во прашање пресвртите, и на дури 8 натпревари успеаја да се вратат од негатива за да слават.

Но утрово немаа сили за нов кам-бек, а и среќата не беше на нивната страна.

Мајми во послдната четвртина имаше +16, но гостите со одлична серија се доближија на само еден поен негатива 91-90 на нешто над 3 минути до крајот.

Сепак потоа следуваше една среќна тројка на Дион Вејтерс, неговиот шут се обди од обрачот, па од врвот на таблата за да помине низ мрежичката. Истиот играч потоа реализираше уште еден удар за три поени и се погржи „Жешките“ да слават со 104-98.

Во редовите на домаќините, Драгиќ беше прв играч со 27 поени, а Вејтерс постигна 26. Кајри Ирвин со 23 поени беше најдобар поединец кај Бостон.

НБА резултати:

Шарлот – Вашингтон 129:124
Кливленд – Бруклин 119:109
Филаделфија – Портланд 101:81
Атланта – ЛА Клиперс 103:116
Мајами – Бостон 104:98
Њујорк – Торонто 108:100
Хјустон – Денвер 125:95
Мемфис – Далас 94:95
Минесота – Орландо 124:118
Њу Орлеанс – Сан Антонио 107:90
Оклахома – Голден стејт 108:91
Феникс – Милвоки 107:113
Јута – Чикаго 110:80
Сакраменто – ЛА Лејкерс 113:102