Шестлигашот во петокот го игра најголемиот натпревар во историјата на клубот

Малиот клуб Чорли од областа Ланкашир во петокот го игра најголемиот натпревар во долгата историја на клубот. Во четвртото коло од ФА купот ќе се сретнат со екипата на Вулверхемптон, член на Премиер лигата.

Клубот е основан во 1883 година. Тој главно дејствуваше како аматер, а најголемите достигнувања на клубот се освојувањето на „Lancashire Combination“, покраински куп, а тие исто така ја освоија Лигата на Ланкашир двапати, последен пат во 1899 година.

Во лигашкиот систем на Англија, најголем успех на тимот е разигрувањето во Националната лига Север, шести ранг на натпреварувањето во кое и денес се членови. Тековната вредност на тимот, според податоците на трансфермаркетот, е 450.000 евра. Најскап е Адам Хенли кој има вредност од 175.000.

Во првото коло, тие го нокаутираа третолигашот Виган, во втората рунда „настрада“ уште еден третолигаш Питербороу, додека во третото коло го елиминираа членот на Чемпионшип, тимот на Дерби Каунти.

Интересот за дуелот против Вулверхемтон е неверојатен во ова мало опкружување. Социјалните мрежи на клубот имаат сè поголем број навивачи, а по третолигашот и второлигашот, дојде ред на член на Премиер лигата.

Без оглед на исходот од мечот во петокот, Чорли веќе направи сензационален резултат како полуаматерска екипа. Тие се најдоа дури и на насловните страници на водечките британски медиуми, што за 138 години постоење не му успеа.