Шокантен потег на челниците на Милан?

Марко Џампаоло после само пет кола ја загуби довербата на челниците на Милан и сега се разгледува опцијата за промена на клупата на „росонерите“.

Џампаоло во пет кола оствари две победи и три порази, а вчерашниот од Торино (2:1) може да биде клучен за него, но сепак се верува дека тој ќе добие само уште една шанса.

„Corriere dello Sport“ објави дека Милан е подготвен да го врати Гатусо, кој го водеше клубот минатата сезона и за влакно не се избори за место во Лигата на шампионите.

Иако често пати беше оспоруван, по се изгледа дека Гатузо сепак има одредено тренерско знаење и дека неговиот дефанзивен фудбал на крајот дава некаков резултат. Сегашниот фудбал на Џампаоло очигледно не дава никакви резултати.

Гатузо е голем „росонер“, некој кој живее за клубот, но прашање е дали ќе се врати во клупата по се што помина минатата сезона.

Поранешниот репрезентативец на Италија сега е првиот фаворит за местото на Џампаоло, а исто така важи и за кандидат за клупата на Лацио, кој е очајно ја започна сезонава.