Шпанија со најстариот фудбалер досега: 70-годишен голман бранеше и имаше неколку одлични интервенции (ВИДЕО)

Шпанскиот нисколигашки фудбал испиша несекојдневна страница од историјата откако голманот Анхел Матеос Гонзалес стана најстариот играч што некогаш настапил на официјален натпревар во Шпанија.

Овој 70-годишен чувар на мрежата настапи за клубот ЦД Колунга во натпревар од петтиот ранг, со што го собори рекордот и покажа дека годините не се пречка за спорт.

🥅 Pasión sin edad en la portería del CD Colunga.

🧤 A sus 70 años, Ángel Mateos vuelve a volar bajo palos.

ℹ️ https://t.co/d5w9EDiL9d#TerceraFederación pic.twitter.com/uAZLuqUzld

— RFEF (@rfef) May 4, 2026

Неговиот тим се натпреварува во лигата Терсера Федерасион, а дуелот против екипата ЦД Правиано беше идеална можност за овој историски момент.

Матеос Гонзалес ја завршил професионалната кариера пред речиси три децении, но останал активен во фудбалот, помагајќи им на младите голмани и одржувајќи добра физичка форма. Токму поради неговата посветеност, клубот му укажал чест и му дал можност повторно да застане на голот.

Колунга го загуби натпреварот со 2:0, а Гонзалес бранеше речиси еден час.

Од клубот нагласија дека целта не била рушење рекорди, туку оддавање признание на човек кој ја симболизира страста, дисциплината и љубовта кон фудбалот.

Самиот Гонзалес изјави дека не бил сигурен колку ќе игра, но додаде дека се чувствува подготвен и дека му претставува голема чест повторно да настапи.