Што се случува со Кејн? Тренерот тврди дека не знае, навивачите мислат дека лаже, а почнаа и навредите

Англискиот репрезентативец Хари Кејн вчера не беше дел од Тотенхем, кој славеше против Манчестер Сити со 1:0.

Со оглед на тоа што Кејн не играше против Сити, ова ги поттикна шпекулациите дека тој навистина ќе се приклучи на редовите на тимот од „Етихад“, со оглед на тоа што тие веќе некое време се обидуваат да го донесат и да им понудат на Тотенхем дури 150 милиони евра.

Кејн е фрустриран од недостатокот на клупски амбиции и јасно стави до знаење дека сака да оди во клуб со кој ќе се бори за трофеи, а наводно го пропуштил првиот тренинг на Тотенхем токму за да покаже дека неговата цел е трансфер.

На крајот Англичанецот се врати на тренинзи во саботата, но тоа беше индивидуален тренинг бидејќи напаѓачот беше во изолација по враќањето од одмор на Бахамите.

Се очекуваше тој вчера да биде барем меѓу резервите, но тоа не се случи.

„Продолжува да се подготвува. Хари мора да работи, тренираше денес и ќе работи додека не биде подготвен. Дали е на стадион? Тренираше наутро, не ги знам неговите планови“, изјави тренерот на Тотенхем, Нуно Еспирито Санто пред натпреварот.

Многу обожаватели и новинари не веруваат на Санто, тие мислат дека Кејн е на пат за заминување.

Навивачите на Тотенхем беа разочарани од легендата, па му пееја за време на водството против Сити и по победата: „Го гледаш ли овој Хари?“.

Иако даде многу за Тотенхем, како што обично се случува, на крајот ќе биде прогласен за предавник доколку на крајот потпише за Сити, и постојат сите шанси да го стори тоа.